2023年吸塵機點揀好？邊部值得買？

吸塵機絕對係英國家庭必備嘅電器。市面上花款繁多，有直立式、傳統罐筒式、無線手提式，仲有自動吸塵機械人，花多眼亂。究竟邊種先最適合英國環境呢？

更重要的是，每個人的清潔需求都唔同，地毯、硬地板、樓梯、寵物毛髮、小朋友嘅餅碎（或者全部！）。我哋根本使用經驗，總結咗唔同類型吸塵機嘅優劣，等大家揀到一部最適合自己嘅吸塵機。

1. 直立式

直立式吸塵機通常適合大型、有地毯的家庭。直立式一般吸力強勁，通常喺底部有渦輪刷，特別擅長清理地毯上的毛髮和殘留物。較闊同大嘅底部設計能夠更快速、有效地清理更大的區域，比其他吸塵機更有效率。

相對於傳統罐筒式，直立式用嘅時候係向前推，而唔係向後拉。使用直立式吸塵機時唔需要彎腰，對於背部有問題嘅人嚟講係一個唔錯嘅選擇。呢類機般容量較大唔洗清塵清咁密；同時可以企直方便擺放。加上同新式無線吸塵機一樣，好多時都配埋電動吸頭，吸起上嚟特別爽。

不過直立式有個好大嘅缺點，就係重。用嗰時要推動成部機嘅重量，吸傢俬底時亦唔多方便。不過有啲新設計，好似Shark嘅某啲型號咁，有可分離式設計，吸樓梯，窗簾等等嗰時可以用輕巧mode，算係改善左呢個缺點。

可見其實直立式係好適合英國多地毯嘅環境，所以長期都係銷量榜前列。我哋幾個家庭都有船運香港用開嘅Dyson無線model過嚟，但無幾耐之後都買咗部Shark直立式，兩部睇情況用互補不足。

好用推介：

2. 罐筒式吸塵機

最傳統嘅款式（喺博物館見到嘅就係呢類），比直立式輕，喺香港出名多人用嘅有Miele, Electrolux等等。不過自從無線吸塵機興起，就愈來愈少人用呢類機種。首先係有線，而且啲線一般較短。其次係用起上嚟一樣笨重，推動甚至仲辛苦過直立式，而且存放亦唔及直立式方便。所以如果追求輕便，可以揀無線，追求吸得爽大吸力嘅可以揀直立式，罐筒式就唔多推薦啦。

如果想買可以趁超市特價入手Henry。佢係有塵袋設計，算係比較受歡迎嘅款式

3. 無線桿式

無線吸塵機，又稱為「手持式」吸塵機，是最受歡迎的吸塵機之一。 隨著技術進步，吸力好多時已經可以媲美傳統有線型吸塵機。

無線嘅方便唔洗多講，而且多數無線吸塵機都有唔少配件，包括縫隙和軟墊工具。 好多型號甚至仲配有電動吸頭，能有效清除寵物毛髮，床褥塵蟎等。需要注意嘅係，唔同型號嘅電池續航時間仍有差異。 英國地方較香港大，可以揀可換電款，延長充電之間嘅清潔時間。

個人認為，雖然吸地毯，窗簾呢啲heavy duty用直立式更爽，但無線一樣好值得keep同入手。特別係要吸梳化底，或者拎出driveway吸車，用其他機種始終煩啲。加上技術進步，吸力同電池續航力都已經唔係大concern。

要揀嘅話，最好嘅無線吸塵機當然係Dyson，用左好多年都好滿意。但如果想平少少，Shark，Hoover等其實都唔錯。

4. 機械人

雖然機械人取代唔到傳統吸塵機，但可以幫你慳唔少功夫。吸塵機械人一般使用感應器避免撞到傢俱，並且能夠繪製運動路線圖，確保唔會忽略任何區域。

多數型號都有手機App以及兼容Alexa或Google Home。有啲有底座，能夠自動清空塵箱。要注意機械人唔識行樓梯，所如果你住house就要留意啦。

5. 輕巧手提

選購時要留意嘅主要功能

感應技術

可以偵測地板類型並相應調整功率。唔單止可以節省電量，仲可以令吸塵機自動使用最適合嘅功率。

電池壽命

如果你揀無線吸塵機，呢個係最必須要檢查嘅規格。有啲機型喺全速mode下只能夠用10分鐘，即係你需要匆匆忙忙去完成或等佢充電。英國屋較大，最好唔好揀短過30分鐘。

充電時間

如果你用無線吸塵機，充電時間都要留意。如果你成日等佢充電，咁就唔方便使用。大部分吸塵機需要大約四小時先充滿電。

容量

一般嚟講，容量越大，你需要清理嘅次數就越少。吸塵器容量以公升為單位。如果你打算買直立式或罐筒式吸塵機，而又唔想經常去垃圾桶，容量最少要有兩公升。對於較小嘅無線型號，最少要有半公升容量。

頭燈

有啲吸塵機喺地板頭部份配有燈，方便你喺傢俬底下或黑暗空間下操作。

智能科技

利用手機App監控使用情況、電池壽命，甚至使用過程中燃燒嘅卡路里。

自動斷髮

如果你或者屋企人有長頭髮，一定要考慮清頭髮方唔方便。長頭髮往往會纏喺在地板刷頭度，需要剪開。有啲型號喺刷桿上設有一個小裂縫，可以將較剪穿過去剪開頭髮絲。

重量

無線吸塵機一般重量集中喺地板刷頭而唔係手柄，對手臂嚟講會輕鬆啲。

總結

總括嚟講，一般家庭最好配備一部直立式，同埋一部無線桿式，咁就可以應付到唔同嘅吸塵需要。特別係當要吸地毯，直立式嘅強勁吸力會吸得乾淨好多。而無線stick vacuum就輕巧方便，同時可以吸車唔洗拉線，吸梳化底，吸床都方便啲。所以如果一定只可以買一部，就要視乎屋企環境同使用習慣啦。