訂購精品咖啡豆 比較三家熱門郵寄訂閱計劃
相信唔少咖啡精嚟到英國都發現好難搵到精品咖啡豆。呢度連鎖咖啡店，同埋超市賣嘅豆都滿足唔到精品咖啡迷嘅需要。特別係適合手沖嘅淺炒豆，更加係極之難搵。所以筆者嚟嚟到英國後，決定上網搵訂閱計劃，每個月大約用£7-10嘅價錢，就會有一袋精品grade嘅咖啡豆寄到府上，而質素同選擇絕對比超市買到嘅豆好好多。
喺訂閱咖啡豆前，請確保屋企有合適嘅磨豆機同咖啡機，同埋手沖設備（磨豆機同咖啡機嚟到歐洲選擇非常多，會喺下一篇另文介紹），加上合適嘅技術，咁就唔會浪費啲豆啦。
1. Rave Coffee
包裝設計醒目嘅Rave Coffee算係其中一間最受歡迎嘅subscription。試過幾種single origin咖啡豆，質素不過不失，偶然會炒得深少少。Signature blend味道唔錯值得一試。基本計劃只有深烘焙豆，雖然質素ok，但如果想試下其他豆就要俾貴少少訂Discovery計劃。
2. Blue Coffee Box
初初試咖啡訂閱時唔想訂咁密，咁啱搵到呢間Blue Coffee Box有兩個月揀就決定試下，點知一訂就keep住訂左超過大半年，每次送嚟嘅豆都有唔同特色。咖啡豆產地來源豐富，近幾次都係收到亞洲豆，泰國，老撾等等，都係未試過嘅豆，頗有驚喜。訂購時有得揀烘焙度，原粒豆或者研磨粗幼等，切合自己需要。（當然比得錢訂豆，就梗係揀原粒啦）
3. Pact Coffee
Pact重視公平貿易，用較高價格直接向農民採購生豆。咖啡豆質素有保證，其Asomuprisma和Fruit & Nut Espresso Blend曾經獲得2020年Cup of Excellence Award，每年銷售超過2100萬杯咖啡。
訂閱計劃有三個級別，按咖啡豆嘅評分劃分，仲可以選擇每2至60日嘅間隔，非常方便。網站仲有Nespresso膠囊同其他咖啡設備配件選擇。
