英國新手駕駛貼士 注意事項
有好多朋友都同我哋一樣，個車牌喺香港考嘅，雖然香港道路行英制，規則同標記同香港大同小異，但係路面狀況始終都有啲分別。英國除左出名迴旋處多之後，其他仲有其他細微嘅地方同香港有分別。
如果啱啱開始，或者準備開始喺英國駕駛，不妨參考下我哋總結出嚟嘅少少心得。
1. 測量單位系統
同速度距離相關嘅會用英制單位。 例如距離是以英里（ Mile）為單位，較短的距離，例如到STOP sign的距離，以碼為單位。 一碼是三英尺，一英里有1760碼。 限速以英里/小時為單位，車輛的速度以英里/小時為單位。1英里嘅大概等於 1.6公里，要少少時間適應訓練距離感，慣左之後其實無乜分別。
燃料使用公制，人油以每公升為單位——但車輛的燃油效率是以每加侖每英里為單位。
2. 英國的道路類型識別
英國唔同道路類型係用字母系統表示。 一條道路有一個字母來表示類型，然後是該道路獨有的編號。 例如，M1是一條高速公路。 “M”表示高速公路，而1表示數字。 一般來說，道路有以下幾類：
- “M”路：“M”代表 motorway，即是高速公路。 一條M路可以單程最多有四線，但大部份都係三線。 有時，“M”路每個方向只有兩條線。 高速公路的速度限制為每小時70英里。 高速公路設計同規則大致同香港一樣。
- “A”路：主要道路，除非特別標示，否則大部分限速為每小時60英里。 “A”路的某些路段是兩邊雙線行駛，在這種情況下，限速為每小時70里。 “A”路可以有紅綠燈和迴旋處。 標誌通常是綠色底，黃色或白色文字。
- “B”路： “B”路是較小的道路，通常用於連線“A”路。 行駛時要多注意車速限制。
- “C”、“D”和其他道路：較小的道路，甚至可能是單線道路。多數喺農村地區或偏遠地區出現。
3. 英國的道路速度限制
限速標誌同香港一樣。 有時你會見到一個白色的圓圈，上面有一個黑色的對角線，代表之前的任何限速標示已經結束，可以恢復全國限速——正常道路為60英里/小時，雙車道或高速公路為70英里/小時。
高速公路或A路雙車道（任一方向的兩條車道，由中央分界線隔開）限速為每小時70英里。幾乎所有其他道路的國家限速為每小時60英里。 在人口稠密地區，如果沒有特別指明，限速通常為每小時30英里。好多市中心或住宅區限速係20里。
超速幾常見，特別係公路快線。但超速後果嚴重，搏唔過。
4. 英國的迴旋處
在英國迴旋處非常常見。 規則大致同香港一樣。例如轉右要用右線打右燈等等，唔需要緊張，跟返考牌時學嘅就得。 有關正確使用迴旋處的更多資訊，可以參閱《Highway Code》呢部分。YouTube上亦都有唔少教學可以參考，如果唔熟嘅可以溫習下先揸。
5. 高速公路出口編號
在英國，高速公路上的出口號碼是連續的，所以1號出口下一個就係2號出口，如此類推。 有時在道路首次建成後會增加出口，呢啲出口就會加個字母，叫1A、1B等。
6. 使用手機
駕駛時使用手機或GPS裝置是違法的。但你可以喺聲控同手機固定好，並且唔阻擋視線嘅情況下用導航。呢條例喺停車時都適用。所以最好的選擇是叫乘客幫伭操作裝置，或者在操作之前安全停車。
該規則的唯一例外是，如果沒有切實可行的安全停車方式，並且是緊急情況，您可以將手機放在手中打999。
7. 載小朋友
一般情況下，直到小朋友年滿12歲或身高夠135厘米（以先到者為準），都必須使用兒童汽車座椅。 之後就可以同其他成人一樣只戴安全帶。
如果您有自己的兒童汽車座椅，並想帶到英國，要先確認是歐盟批準的型號，因為這些是唯一被批準用於英國的型號。想知自己嘅car seat用唔用得，可以參考政府網站。
8. 擠塞收費區/低排放區
倫敦有Congestion Charge Zone。 收費係每日計。 指定區域嘅每個出入口都有鏡頭記低你嘅車牌，並自動收費。當然有呢項收費嘅地方其實交通都好方便，可以考慮下唔揸車，或者park and ride搭公共交通工具。
另外，某啲地區仲有針對高排放車輛的區域，稱為低排放區（Low Emission Zone），或超低排放區（Ultra Low Emission Zone），如果揸唔乎合排放標準嘅車進入就會被收費。所以買車前要注意一下架車係咪合乎排放標準。不過一般只要唔係太舊嘅汽油或者混能私家車都係附合標準唔洗驚嘅。當然電動車就更加係零排放無呢個問題啦。
9. 泊車
喺英國揸車其中一樣最大嘅分別係泊位比香港易搵好多。一般超市同商場都有一小時至全日不等嘅免費泊車，大家泊車離開前記得留意下停車場嘅告示，因為每個停車場嘅停留時間，付款，展示收據嘅方式都唔同。
大部分私人停車場都係外判管理，同時裝有車牌識別系統。如果超時停留，外判公司會寄信俾你追收罰款（好多人會選擇拖，或者唔理，不過唔建議）。
喺街上有唔少local council嘅泊位，唔同香港咁統一，呢度每個council用嘅收費系統都可能唔同，不過一般都係用PayByPhone, PhoneAndPay。如果私人泊位同停車場，你會見到週圍都用唔同嘅app，常見嘅有RingGo, JustPark, YourParkingSpace等。所以為左方便，我哋會建議將呢堆app都裝定落手機。
如果想搵一個地方附近有咩泊位，除左用Google Map之外，我哋亦都經常會用Parkopedia，只要輸入postal code或者地址，就可以知道附近所有泊位嘅詳情，仲話埋俾你聽應該用邊個app預訂或者俾錢，非常方便。
