［迎接熱浪］2023最佳冷風機推介
英國一般屋都無安裝冷氣，當天氣熱嘅時候，一般風扇未必足夠，但流動冷氣機又較貴同笨重，所以好多人會選擇用冷風機。冷風機唔可以冷卻空氣，但可以透過氣流同蒸發降低空氣熱度，降溫效果比一般風扇好。英國真係非常熱嘅日子唔多，所以冷風機好多時都夠用。
冷風機應該點揀？
冷風機主要有兩種基本設計。較大的一種外表似抽濕機或流動空調，可以從幾米之外冷卻一個或多個人。另一種較小的設計是桌面式，通常由USB供電，只適合一個人用。
呢兩種類型嘅運作原理大致相同，都係用風扇將空氣吹過吸水墊或膜結構，當墊或膜上面嘅水蒸發時，就會冷卻周圍嘅空氣，然後呢啲較冷嘅空氣透過風扇吹向房間。有啲機種仲可以放入一塊或多塊冷凍冰塊，幫助冷卻水分，吹出嚟嘅風會更加凍。
有咩要注意？
大多數冷風機嘅設計相當簡單，有風速選擇和開關。較大的型號會有擺動功能，將氣流左右移動以冷卻更廣泛的區域，並有可移動的百頁扇頁調整上下氣流。有些型號具有內置加濕功能，濕氣打入乾燥嘅房間。
冷風機有缺點嗎？
使用冷風機有可能會增加房間濕度，如果房間濕度已經過高，就可能會更唔舒服。而冷風機嘅水箱需要每日換水，否則有可能會發出異味。
另一個問題係冷風機效率絕對唔及冷氣機，唔會好似冷氣咁將成間房快速降溫，而且維持溫度，對某啲人嚟講可能會仍然唔夠。冷風機可以提供一個比室溫更冷嘅氣流，而且比流動冷氣機便宜、便利，用電更少，亦唔需要好似冷氣機咁要拉喉排氣。
2023年最佳冷風機推介
最佳快速降溫冷風機
呢款Black and Decker附送兩塊冷凍塊，配合七公升的水箱，降溫效果好好。內部的垂直百葉扇頁可以左右擺動，為你提供更廣泛的風向，你還可以使用水平百葉扇頁調整氣流的上下角度。此外，機器內置時間掣，呢個功能喺冷風機上比較少見。
呢部機唯一嘅主要缺點是取出水箱同濾塊清潔有啲麻煩，而且全速運作時比較嘈。但係呢啲問題大部份冷風機都有，而且呢部機價錢唔貴，性價比高，值得考慮。
最佳USB冷風機
evaCHILL價格比其他桌面冷風機貴，但功能同質素都好好多。冷卻系統採用Evapolar自家玄武岩過濾器，長期使用仍能保持無菌，唔會唔每日清潔就會堆積細菌同發臭。另外水箱容量足夠，一箱水可以用九個鐘。
其他優點包括水箱加水方便，你可以從頂部加水。一鍵控制，操作簡易，而且比其他型號更安靜。evaCHILL機仔細細適合一個人用，擺喺office或者喺屋企work from home用都好適合。
另一個唔錯選擇
這款Honeywell冷風機適合最大達10平方米的空間，配有大容量9公升水箱，足夠用幾日。當水位降低時，可以通過背部的拉出口輕鬆補水。不過缺點係唔可以加冰塊。
就功能嚟講，呢部機算比較簡單，功能唔多，但係操作簡便，送風同冷卻效果都好好。如果你只係想要一部just work嘅冷風機，呢部係唔錯嘅選擇。
最佳多功能冷風機
Princess Smart Air Cooler功能玩法多多，除咗常見嘅三段風速，亦有自然模式和睡眠模式，前者會調節風扇速度以產生室外微風效果，後者會喺你漸入夢鄉時慢慢降低速度。
冷風機可以連接Wi-Fi網絡，用手機或者Alexa/ Google Assistant控制，成能智能家居嘅一部份。
冷卻效果同其他品牌比差別不大，水箱亦都可以加冰。惟一缺點係聲浪會大少少，同埋水箱偏細。
