10件必備汽車用品
新車上路，隨咗要練好手車，交足牌費保險之外，亦都需要幫架車添置合適嘅配件。除咗方便駕駛，亦都可以喺意外發生時幫到手。
1. 車cam
車Cam肯定係每架車必備配件之一。如果大家要喺英國買dash cam，不妨考慮下Nextbase。
作為英國最大車cam品牌，Nextbase單品質素好，而且有齊SOS，GPS，Alexa智能助手等功能。另外可以配埋非常方便，唔洗拉線嘅後拍鏡，加強保障。Nextbase亦有同保險公司合作，某啲車保會為裝左Nextbase嘅車提供折扣。
2. 橡膠車尾箱墊
車尾箱熱墊可以保護車尾箱地墊，特別係如果要揸車郊遊，去泥濘或者濕嘅地方，啲濕嘅鞋就可以直接擺上車尾箱，而唔洗擔心之後好難清潔。
揀嘅時候記得揀啲厚啲嘅款式。有啲款式可以按車尾箱形狀裁剪，用落就更加fit啦。
3. 點煙器充電器
呢款煙插充電器有4個位，其中一個係18w USB-C，支援PD快叉。同其他Amazon Basics產品一樣性價比好高。
4. 車匙防盗包
Keyless車匙車主必備，連警察嘅滅罪宣傳都有鼓勵人用。呢啲防盗包設計同普通防RFID銀包一樣，都係透過塗層或物料阻隔車匙嘅信號，等賊人無法透過複製信號而偷車。
5. 軚盤鎖
如果要駛去治安較差嘅地方，或者要長時間離開架車，上個軚盤鎖始終安心啲。呢款鎖簡單易用，而且有十年保用。
6. Jump Starter
相信唔少人都試過架車電池無電攤唔著。傳統嘅過江龍要借另一架車拎電用，而鋰電款式就唔需要，方便好多。呢一款叉一次電最多可以用30次。
7. 急救包
無論喺屋企定係車，一個齊備嘅急救包都係必須嘅。萬一有意外，去到郊外唔小心整傷，急救包就可以大派用場。建議按照自己車箱大細同人數揀合適的大小。
8. 混合陶瓷護膜
提供高光澤及柔滑觸感，可防止污垢、昆蟲、道路污垢、有害紫外線同水斑。呢款Duel Autocare嘅 detailer，簡單噴一次就有有長達八個星期嘅保護。特別適合唔鐘意經常打蠟嘅朋友。
9. 電子軚壓計
車軚要維持廠商建議壓力，先至襟用，慳油同安全。如果下下等到低壓指示燈著，又或者要拎個泵出嚟度，就未必太麻煩。所以一個輕便嘅軚壓計就非常方便啦。電子軚壓計一般可以顯示PSI同埋Bar。有個呢個工具之後就唔洗成日估估幵啦。
10. 電動打氣泵
一般車出廠時都有跟緊急打氣泵同補軚液，呢類打氣泵都要配合煙插使用。如果想方便啲唔洗下下駁煙插同收線嘅，可以考慮下用無線打氣泵。有啲型號用類似電動工具嘅設計，有20v可換電等功能，但其實一般私家車嘅話，細細部手提式已經好夠用。呢部機另一個好處係仲可能拎到泵單車，足球等等其他嘢。
